Türkmənistan və Qırğızıstan arasında logistika əməkdaşlığı təklifi
Türkmənistan Qırğızıstana Türkmənbaşı Beynəlxalq Dəniz Limanının infrastrukturu üçün qarşılıqlı məqbul istifadə şərtləri yaratmağı təklif edib. Bu barədə Türkmənistanın Xalq Məsləhət Şurasının sədri Qurbanqulu Berdiməhəmmədov Qırğızıstan Prezidenti Sadır Japarovla görüşü zamanı bildirib.
Crossmedia.az xarici mediaya istinadən bildirir ki, Berdiməhəmmədov deyib ki, bölgənin nəqliyyat-logistika sahəsində böyük potensialı var və bu imkanlardan daha səmərəli istifadə olunmasının vacibliyi vurğulanıb. O, Mərkəzi Asiya–Yaxın Şərq nəqliyyat-tranzit dəhlizinin imkanlarının artırılmasını, bu çərçivədə Qırğızıstan–Özbəkistan–Türkmənistan marşrutu vasitəsilə Fars körfəzi və Xəzər dənizindəki limanlara çıxışın strateji addım olduğunu qeyd edib.
Berdiməhəmmədov açıqlamasında Türkmənbaşı Beynəlxalq Dəniz Limanının imkanlarının Qırğızıstanla paylaşılması üçün qarşılıqlı məqbul şərtlərin yaradılmasına hazır olduqlarını bildirib.
Qeyd edək ki, Türkmənbaşı limanı regionda yük daşımalarının inkişafı üçün əsas strateji mərkəzlərdən biri hesab olunur.
Fatimə Nəbiyeva
17:47 26.04.2025
Oxunuş sayı: 10531
