Ərdoğan və Osmanidən Antalyada səmimi dialoq
Antalyada keçirilən Diplomatik Forum çərçivəsində Türkiyə Prezidenti Rəcəb Tayyib Ərdoğanla Kosovo Prezidenti Vjosa Osmani arasında maraqlı və səmimi dialoq baş verib.
Görüş zamanı Ərdoğan zarafatla Osmaniyə deyib: “Sən gah türkcə öyrənirsən, gah da unudursan…” Osmani isə gülümsəyərək cavab verib: “Sizinlə bir az məşq etməliyəm.”
Bu dialoq iştirakçılar arasında təbəssüm yaradıb və iki ölkə arasında dost münasibətlərin bir daha nümayişi olub.
Crossmedia.az-ın məlumatına görə, həmin gün Antalyada Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan arasında da görüş keçirilib. Görüşdə iki ölkə arasında qardaşlıq və müttəfiqlik münasibətləri müzakirə olunub, əməkdaşlıqdan məmnunluq ifadə edilib.
Forum zamanı iştirakçılar arasında isti münasibətlər və diplomatik zarafatlar, tədbirin dostluq və əməkdaşlıq ruhunu ön plana çıxarıb.
Zəhra Ağayeva
16:30 12.04.2025
Oxunuş sayı: 1184
