Xarici xəbərlər
İranın xarici işlər naziri omanlı həmkarı ilə görüşüb
Bu gün İranın xarici işlər naziri Abbas Əraqçı Maskatda Omanın xarici işlər naziri Seyid Bədr Əl-Busəidi ilə bir araya gəlib. Crossmedia.az xarici KİV-ə istinadən xəbər verir ki, Əraqçı omanlı həmkarı ilə "ABŞ ilə dolayı danışıqların aparılması”nı müzakirə edib.
Bildirilib ki, Oman XİN rəhbəri bugünkü danışıqlar üçün gözlənilən tədbirlər və hazırlıqlar barədə İranın xarici işlər nazirinə məlumat verib.
Qeyd olunub ki, İran və ABŞ arasında dolayısı danışıqlar çərçivəsində İran XİN rəhbəri omanlı həmkarından Tehranın mövqeyinin müddəalarını sonradan ABŞ nümayəndə heyətinə çatdırmasını istəyib.
13:21 12.04.2025
Oxunuş sayı: 1768
