"Kipr Yunanıstandır" şüarına görə yunan hərbçilərinə cəza verildi
Türkiyəni təhqir edən yunan hərbçiləri cəzalandırılıb.
Crossmedia.az xarici mediaya istinadən xəbər verir ki, 2025-ci il martın 25-də Yunanıstanın Milli Günü çərçivəsində Afinada keçirilən mərasim zamanı yunan hərbçilər yürüş zamanı "Kipr Yunanıstandır" şüarını səsləndirərək Türkiyəni təhqir ediblər.
Milli bayram münasibətilə keçirilən paradda türkiyə əleyhinə şüarlar səsləndirən, Hərbi Dəniz Qüvvələrinin tələbə statuslu hərbçiləri barəsində başladılan inzibati araşdırma başa çatıb. Məlumata görə, hadisəyə görə məsuliyyət daşıyan bəzi səlahiyyətlilər 20 günlük həbs cəzasına məhkum olunublar, digərlərinə isə daha yüngül cəzalar verilməsi qərara alınıb.
Paraddakı insidentdən sonra Türkiyə Xarici İşlər Nazirliyindəki mənbələr bu cür davranışların Türkiyə-Yunanıstan münasibətlərinə zərər verdiyini və qəbuledilməz olduğunu bildiriblər.
Qeyd edək ki, Yunanıstanın müxalifət partiyası olan Radikal Sol İttifaq (SİRİZA) da bu şüarları qəbuledilməz sayaraq insidentin araşdırılmasını tələb edib.
Zəhra Məmmədova
15:30 12.04.2025
Oxunuş sayı: 6534
