Keyt Kelloq Ukraynanın nəzarət zonalarına bölünə biləcəyini təklif edib
ABŞ prezidenti Trampın Ukrayna üzrə xüsusi nümayəndəsi Keyt Kelloq “The Times” qəzetinə müsahibəsində Ukraynanın İkinci Dünya Müharibəsindən sonra Berlinə bənzər nəzarət zonalarına bölünə biləcəyini təklif edib.
Crossmedia.az xarici KİV-ə istinadən xəbər verir ki, o, Böyük Britaniya və Fransanın başçılıq etdiyi Avropanın “müvafiq qüvvələrinin” Dnepr çayının qərbində, Ukrayna qüvvələrinin və hazırkı cəbhə xətti boyunca 30 kilometrlik hərbisizləşdirilmiş zonanın isə şərqdə yerləşdirilməsini və hər iki tərəfin 15 kilometr geri çəkilməsini təklif edib. İşğal olunmuş Ukrayna əraziləri Rusiyanın nəzarəti altında qalacaq və Ukraynada heç bir Amerika qoşunu yerləşdirilməyəcək.
Kelloq qeyd edib ki, Britaniya, Fransa və müttəfiqlər Rusiyanı atəşkəsi pozmaqdan çəkindirmək üçün bu cür qüvvələr planlaşdırır, lakin onlar ABŞ-ın dəstəyinə ehtiyac duyacaqlar, o, buna zəmanət verə bilməz.
O, həmçinin etiraf edib ki, Ukraynada NATO qoşunlarına qarşı çıxan Rusiya onun təklif etdiyi “nəzarət zonaları”ndan imtina edə bilər.
10:44 12.04.2025
Oxunuş sayı: 9114
