Xamenei ABŞ ilə danışıqlara yaşıl işıq yandırdı
İranın yüksək rütbəli məmurları Xameneini ABŞ ilə danışıqlara razı salmağa nail olublar.
Crossmedia.az xarici mediaya istinadən xəbər verir ki, ötən ay İranın üç hakimiyyət qolunun rəhbərlərinin – Prezident Pezeşkianın, Parlament sədri və Məhkəmə sisteminin rəhbəri Əcəinin iştirakı ilə təcili və qapalı bir görüş keçirilib. Görüşdə onlar Ali Lider Ayətullah Əli Xameneiyə siyasət kursunu dəyişməyi və Donald Tramp tərəfindən göndərilən məktub vasitəsilə irəli sürülmüş ABŞ ilə danışıqlar təklifini qəbul etməyi tövsiyə ediblər.
Onlar xəbərdarlıq ediblər ki, bu təklifin rədd edilməsi ABŞ və İsrail tərəfindən İranın nüvə obyektlərinə qarşı genişmiqyaslı hücuma, müəyyən ssenaridə isə rejimin devrilməsi cəhdinə səbəb ola bilər. Rəsmilər əlavə ediblər ki, belə halda İran cavab tədbirləri görmək məcburiyyətində qalacaq və bu, daha geniş bir müharibəyə səbəb ola, iqtisadiyyata daha çox zərər verə və ölkə daxilində iğtişaşlara yol aça bilər.
Bu söhbətdən sonra Xamenei danışıqlara icazə verib - əvvəlcə dolayı yollarla, vasitəçi üzərindən, daha sonra isə hər şey yaxşı gedərsə, birbaşa danışıqlara da razılıq verib.
Zəhra Məmmədova
21:25 11.04.2025
Oxunuş sayı: 10627
