Orban: Ukraynanın Aİ-yə üzvlüyü müharibəni uzadacaq və qalibiyyət gətirməyəcək
Avropa İttifaqı liderləri Ukraynanın ittifaqa qoşulacağı təqdirdə Rusiyaya qarşı münaqişədə qalib gələ biləcəyini ümid edərək müharibənin uzadılmasına razıdırlar.
Crossmedia.az xarici mediaya istinadən xəbər verir ki, bu barədə Macarıstanın Baş naziri Viktor Orban bildirib.
Lakin baş nazir belə addımların həm Ukrayna, həm də Avropa İttifaqı üçün zərərli olacağı barədə xəbərdarlıq edib. “Görünür, Avropa ölkələri müharibənin uzadılmasına hazırlaşırlar. Onlar iddia edirlər ki, Ukrayna qalib gələ bilər və Aİ-yə üzvlük bu məqsədə çatmaq üçün ona kömək edəcək. Bu, mümkün olan ən pis strategiyadır. Ukrayna bu müharibəni uda bilməyəcək" – deyə Orban bildirib.
O, Avropa İttifaqının əvvəlcə “sülh təşəbbüsü kimi, hərbi məqsədlərlə deyil” yaradıldığını xatırladıb. “Yeni üzvün qəbul edilməsi sülhə xidmət etməlidir, müharibəyə yox. Amma Brüssel düşünür ki, Ukraynanın Aİ-yə üzv olması münaqişəni uzadacaq” – deyə əlavə edib.
Zəhra Məmmədova
16:25 11.04.2025
Oxunuş sayı: 7903
