İsrail rəsmisi: “İndi İrana hücum etmək üçün ən yaxşı vaxtdır”
İsrailin bəzi təhlükəsizlik rəsmilərinin fikrinə görə, danışıqlar bu ölkə üçün yaxşı xəbər deyil.
Bu barədə Crossmedia.az “Teleqraf” qəzetinə istinadən məlumat verir.
Məlumata görə, “rəsmilərin bunu qızıl fürsət hesab etdikləri bir vaxtda danışıqlar İrana və Tehranın nüvə proqramına hücumda Təl-Əvivin əl-qolunu bağlaya bilər”.
İsrail Milli Təhlükəsizlik Şurasının keçmiş rəhbəri Giora Eiland bununla bağlı deyib: “Bir çox İsrail rəsmiləri hesab edir ki, indi İrana hərbi əməliyyatlar üçün ən yaxşı vaxtdır, çünki Tehran həssas vəziyyətdədir. Suriyanın səması üzümüzə açıqdır, hücum üçün daha yaxşı fürsət ola bilməz”.
16:17 11.04.2025
Oxunuş sayı: 1089
