Vaşinqton-Moskva-Tehran üçbucağında diplomatik aktivlik
ABŞ Prezidenti Donald Trampın xüsusi elçisi Stiv Uitkoff Rusiyaya səfər edib.
Crossmedia.az xarici mediaya istinadən xəbər verir ki, səfər çərçivəsində onun bu gün Rusiya Prezidenti Vladimir Putinlə görüşəcəyi gözlənilir.
Bu səfər Vaşinqtonun beynəlxalq diplomatik səhnədə artan fəallığının növbəti addımı kimi qiymətləndirilir.
Qeyd edək ki, bir qədər əvvəl ABŞ dövlət katibi Marko Rubio Uitkoffun aprelin 12-də İranın yüksək vəzifəli rəsmisi ilə görüşəcəyini açıqlamışdı.
Ard-arda baş tutan bu diplomatik kontaktlar ABŞ-nin Yaxın Şərq və Şərqi Avropa istiqamətində yeni strategiya formalaşdırmağa çalışdığını göstərir. Uitkoffun səfərləri Vaşinqtonun həm Tehran, həm də Moskva ilə birbaşa təmaslar qurmaq niyyətində olduğunu ortaya qoyur.
Zəhra Məmmədova
13:06 11.04.2025
Oxunuş sayı: 5456
