ABŞ yenidən Omanda İranla birbaşa danışıqlar aparacağını vurğulayır
Dünən ABŞ dövlət katibi Marko Rubio bildirib ki, şənbə günü Amerikanın xüsusi nümayəndəsi Stiven Uitkoff və İranın yüksək vəzifəli rəsmisi arasında Omanda birbaşa danışıqlar aparılacaq.
Bu barədə Crossmedia.az ABŞ KİV-nə istinadən məlumat verir.
Marko Rubio ABŞ prezidenti Donald Trampla keçirilən iclasda bu məsələyə toxunaraq deyib: “Ümid edirik ki, bu danışıqlar sülhə gətirib çıxaracaq. Biz İranın heç vaxt nüvə silahı əldə etməyəcəyini açıq şəkildə bildirdik və düşünürəm ki, bu, görüşə səbəb olub”.
Qeyd edək ki, Vaşinqton Tehranla danışıqların birbaşa aparılacağında israr etsə də, İran bu danışıqların dolayısı və Omanın xarici işlər nazirinin vasitəçiliyi ilə aparılacağını iddia edib.
Nuray Mikayıllı
13:00 11.04.2025
Oxunuş sayı: 1051
