"Xəzər yeli – 2025": Azərbaycan və Qazaxıstan birgə təlimlərə hazırlaşır
Qazaxıstan Müdafiə Nazirliyinin məlumatına görə, “Xəzər yeli – 2025” adlı Qazaxıstan və Azərbaycan Hərbi Dəniz Qüvvələrinin birgə təlimləri Aktau şəhərində keçiriləcək.
Crossmedia.az xarici mediaya istinadən xəbər verir ki, birinci dərəcəli kapitan Kanat Niyazbekov (Qazaxıstan) və Teymur Mürşüdov (Azərbaycan) Xəzərin Qazaxıstan sektorunda baş tutacaq təlimlərin detalları üzrə razılığa gəliblər. Gəmilər gəldikdən sonra təlim planı və epizodların ssenariləri dəqiqləşdiriləcək.
“Döyüş əməliyyatlarının aparılması” mərhələsində iştirakçılar birgə üzmə, təhdidlərin qarşısının alınması, zərərçəkmiş hava və su nəqliyyat vasitələrinə yardım göstərilməsi üzrə məşqlər keçəcək, eləcə də dəniz və hava hədəflərinə atəş açılacaq.
Niyazbekovun sözlərinə görə, təlimlərin məqsədi iki ölkənin Hərbi Dəniz Qüvvələri arasında qarşılıqlı əlaqəni gücləndirməkdir.
Təlimlərə sahil bölmələri və gəmilər cəlb olunub. Azərbaycan isə iki sahil mühafizə gəmisi, yardımçı gəmi və quru qoşunları göndərəcək.
Zəhra Məmmədova
12:08 10.04.2025
Oxunuş sayı: 1230
