Azərbaycan Ermənistanın demədiklərini də bilir: "Bayrağımız İrəvanda dalğalana bilər"
Prezident İlham Əliyev ADA Universitetində keçirilən "Yeni dünya nizamına doğru" mövzusunda beynəlxalq forumda çıxışı zamanı deyib ki, Ermənistanın yeni dostları onu yeni, ölümcül silahlarla təmin edirlər. Dövlət başçısı bildirib ki, bu, regionda heç də sülhə və sabitliyə xidmət etmir.
"Bunun yalnız yeni gərginlik ocaqlarının yaranmasına xidmət edəcəyini vurğulayan dövlət başçısı diqqətə çatdırıb ki, bu gün Ermənistanda olduqca güclü revanşist qruplar mövcuddur", - ölkə lideri söyləyib.
Dövlət başçısının səsləndirdiyi fikirlər barədə Crossmedia.az-a danışan Milli Məclisin deputatı Elman Məmmədov bildirib ki, prezident çıxışlarının əksəriyyətində bu məsələni diqqətdə saxlayır: "Ermənistan, həqiqətən də, bütün tarixi boyu hiyləgər, namərdlik tarixinə sahib bir millət olaraq özünü məzlum, yazıq, mədəni, sülh göyərçini kimi qələmə verir, təqdim edir. Ancaq əslində bu millət həmişə vəhşiliklə, işğalçılıqla, terrorçuluqla, separatizmlə məşğul olub. Qarşı tərəf silahlanmaqla, yeni müharibəyə hazırlaşmaqla, Avropada və dünyanın müxtəlif yerlərində keçirilən beynəlxalq tədbirlərdə öz diplomat və nümayəndələri vasitəsilə Azərbaycana qarşı qərəzli qarayaxma kampaniyaları aparmaqla bu prosesi davam etdirirlər".
Deputat Ermənistanın bəd niyyətlərindən əl çəkmədiyini qeyd edib: "Düşünürlər ki, bəyanatlarla bizim başımızı qataraq, qəfil yenə hərəkətə keçəcəklər. Ancaq Azərbaycan bunların hamısından xəbərdardır. Hətta onların demədiklərini də biz bilir, öyrənirik. Xüsusi xidmət orqanları müvafiq informasiyaları əldə edir. Ona görə də cənab prezident həm ermənilərin özlərinə, həm də onların havadarlarına vaxtaşırı xəbərdarlıqlar edir ki, ağlınızı başınıza yığın. Qarşı tərəf yenə yaramaz fikrə düşsə, Azərbaycan əsgəri dövlət bayrağını bu dəfə İrəvanın mərkəzində dalğalandıra bilər. Bunu istəmirik, amma bizi
Yoxsa bu dəfə onlar yenə bu yaramaz fikrə düşsələr, mən belə hesab edirəm ki, indi Azərbaycan əsgəri, belə deyək də, İrəvanın mərkəzində Azərbaycan bayrağını qaldırmağa məcbur olacaq. Biz bunu istəmərik, amma buna məcbur edirlər".
E.Məmmədov, həmçinin Azərbaycanın sülh istədiyini və bölgədə dayanıqlı sülh olsun deyə müvafiq tələblərini, təkliflərini qarşı tərəfin diqqətinə çatdırdığını bildirib: "Mövqeyimiz dəyişmir. Biz müharibə tərəfdarı deyilik, sülh tərəfdarıyıq və təkliflərimizi də vermişik. Ermənistan revanşist niyyətlərindən əl çəkməlidir ki, regionda sabitlik təmin olunsun".
Fatimə Məmmədova
15:00 09.04.2025
Oxunuş sayı: 11653
