Azərbaycan və Pakistan biznes tərəfdaşlığını şaxələndirməyi müzakirə edib
Azərbaycan və Pakistan arasında biznes tərəfdaşlığının şaxələndirilməsi müzakirə edilib.
Crossmedia.az xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.
Onun sözlərinə görə, müzakirələr Pakistana səfər çərçivəsində bu ölkənin Xüsusi İnvestisiyaların Asanlaşdırılması Şurasının milli koordinatoru, general-leytenant Sarfaraz Əhməd ilə görüşdə baş tutub.
"Ölkələrimizin işgüzar dairələr arasında işbirliyinin dəstəklənməsi, enerji, infrastruktur, mədənçilik və digər sahələrdə yeni investisiya layihələrinin icrası, həmçinin sərmayələrin artırılması imkanları barədə fikir mübadiləsi apardıq",- deyə nazir qeyd edib.
16:04 08.04.2025
Oxunuş sayı: 6380
