Ukraynada sülhməramlı kontingent yaradılır?
Ukrayna Prezidenti Zelenski Fransa və Böyük Britaniya Silahlı Qüvvələrinin Baş Qərargah rəisləri ilə danışıqlardan sonra bildirib ki, beynəlxalq sülhməramlı missiyanın yaradılması məsələsi xüsusi işçi qruplar tərəfindən işlənəcək. Crossmedia.az xarici mediaya istinadən xəbər verir ki, onun sözlərinə görə, bu qruplar həftəlik formatda fəaliyyətə başlayacaq.
Zelenski təxminən bir ay ərzində “missiyanın infrastrukturu barədə anlayışın” əldə olunacağına ümid etdiyini bildirib.
“Biz quru, hava və dənizdə mövcudluğu, həmçinin hava hücumundan müdafiəni müzakirə edirik., və daha bəzi həssas məsələləri də” - deyə o vurğulayıb.
Prezident əlavə edib ki, gələcək sülhməramlı kontingentin müzakirəsinə Fransa və Böyük Britaniyadan əlavə digər ölkələr də qoşulub. “Hələlik konkret say demək istəmirəm, bu bir koalisiya olacaq,” — deyə Zelenski jurnalistlərə bildirib.
Bu arada Rusiya Xarici İşlər Nazirliyi NATO və Aİ ölkələrindən sülhməramlı qüvvələrin Ukraynaya göndərilməsi ilə bağlı istənilən müzakirəni “uyğunsuz və absur” hesab etdiyini bir daha bəyan edib.
Zəhra Məmmədova
13:15 05.04.2025
Oxunuş sayı: 865
