Pezeşkian köməkçisini dəbdəbəli səfərə görə vəzifədən azad etdi
İran Prezidenti Məsud Pezeşkian parlament işləri üzrə vitse-prezident Şəhram Dəbirini vəzifəsindən azad edib.
Crossmedia.az-ın İran mediasına istinadən verdiyi xəbərə görə, prezidentin Rəyasət Heyətinin yaydığı yazılı açıqlamada bildirilir ki, Pezeşkian imzaladığı fərmanla Debirini tutduğu vəzifədən kənarlaşdırıb.
Açıqlamada prezidentin bu sözlərinə yer verilib:
"Novruzda Cənub Qütbdə istirahətdə olduğunuz məlum olub. Dindarların nümunə göstərildiyi bir hökumətdə, xalqın ciddi iqtisadi çətinliklərlə üzləşdiyi, yoxsulluğun geniş yayıldığı bir şəraitdə məmurlarun nalayiq hərəkətlərini müdafiə etmək mümkün deyil. Hətta şəxsi istirahət xərcləri belə izah oluna bilməz".
Mühafizəkar media orqanları tərəfindən sərt şəkildə tənqid olunan Debiri, səfərin dövlət vəsaiti ilə deyil, şəxsi hesabına baş tutduğunu bildirsə də, bu izah ictimaiyyətdə narazılığın qarşısını ala bilməyib.
Sosial şəbəkələrdə və mediada yayılan məlumatlar, iqtisadi böhran şəraitində yüksək vəzifəli şəxslərin dəbdəbəli həyat tərzinə dair narahatlıqları bir daha gündəmə gətirib.
Qeyd edək ki, Şəhram Dəbiri həkim və varlı iş adamı kimi tanınır.
Aybəniz Səfərova
12:30 05.04.2025
Oxunuş sayı: 1347
