Rusiya İran və ABŞ-ni təmkinli olmağa çağırır
ABŞ-İran gərginliyinin artması və Donald Trampın İranı bombalayacağı ilə bağlı hədələrindən sonra Rusiya tərəfləri diplomatik həll yoluna çağırıb.
Crossmedia.az xarici mediaya istinadən xəbər verir ki, Rusiya prezidentinin mətbuat katibi Dmitri Peskov Moskvanın İran və ABŞ arasında vasitəçilik etməyə hazır olduğunu bildirib:
“Biz hesab edirik ki, İranın nüvə problemi yalnız siyasi və diplomatik həll yolu ilə həll edilməlidir”, – deyə Peskov vurğulayıb.
Kreml rəsmisi bütün tərəfləri təmkin nümayiş etdirməyə çağıraraq, ABŞ və İran arasındakı bütün məsələlərin diplomatik yollarla həll edilməsinin vacibliyini qeyd edib.
O, həmçinin Rusiya ilə Tramp administrasiyası arasında siyasi münasibətlərin bərpa olunduğunu, lakin “İranın Rusiyanın müttəfiqi” olduğunu xüsusi vurğulayıb.
Mədinə Cəlilova
21:54 04.04.2025
Oxunuş sayı: 6950
