ABŞ rəsmiləri: Tramp administrasiyası İranla birbaşa danışıqlar üçün Tehrana təzyiq göstərir
ABŞ-nin prezidenti Donald Trampın administrasiyası İranla birbaşa nüvə danışıqları aparmaq məqsədilə Tehrana təzyiqləri artırmağa çalışır.
Crossmedia.az xəbər verir ki, bu barədə “The Wall Street Journal “Amerika rəsmilərinə istinadən məlumat yayıb.
Rəsmilərin sözlərinə görə, Tramp administrasiyasının əsas məqsədi İran hökumətini nüvə proqramını tamamilə ləğv etməyə razı salmaqdır.
Bildirilib ki, Vaşinqton aylarla və ya illərlə davam edən dolayı mesaj mübadilələrindən uzaq durmaq, əvəzində yüksək səviyyəli ABŞ və İran rəsmiləri arasında birbaşa və açıq danışıqların baş tutmasını istəyir.
Mənbələrin fikrincə, bu yanaşma ABŞ-nin İranın nüvə ambisiyalarının qarşısını almaq üçün daha sürətli və effektiv həll yolları axtardığını göstərir.
Mədinə Cəlilova
21:42 04.04.2025
Oxunuş sayı: 706
