Tramp: Vyetnam ABŞ-nin tətbiq etdiyi 46%-lik rüsumu azaltmaq istəyir
ABŞ-nin prezidenti Donald Tramp Vyetnamın ABŞ-nin ona tətbiq etdiyi 46%-lik rüsumu azaltmaq istədiyini açıqlayıb.
Crossmedia.az ABŞ mətbuatına istinadən xəbər verir ki, onun sözlərinə görə, bu məqsədlə Vyetnam Kommunist Partiyasının baş katibi To Lam yaxın zamanda ABŞ-ə səfər edəcək.
“İndicə Vyetnam Kommunist Partiyasının baş katibi To Lam ilə çox məhsuldar söhbət oldu. O, mənə dedi ki, Vyetnam ABŞ ilə razılaşma əldə olunarsa, tarifləri sıfıra endirmək istəyir. Mən ona ölkəmiz adından təşəkkür etdim və yaxın gələcəkdə onunla şəxsən görüşməyi səbirsizliklə gözlədiyimi bildirdim”, – deyə Tramp bildirib.
Bu açıqlama ABŞ-Vyetnam iqtisadi münasibətlərində yeni mərhələnin başlaya biləcəyinə işarə edir.
Mədinə Cəlilova
21:18 04.04.2025
Oxunuş sayı: 9886
