Xarici xəbərlər

İranın sabiq deputatı: Tehran ABŞ-la birbaşa danışıqlar aparmalıdır

İran parlamentinin Milli Təhlükəsizlik və Xarici Siyasət Komitəsinin keçmiş sədri Heşmətullah Fəlahətpişe, Rusiya xarici işlər naziri Sergey Lavrovun Tehrana səfərini tənqid edib və bildirib ki, İran ABŞ-la vasitəçilər olmadan birbaşa danışıqlar aparmalıdır.

Lavrovun səfəri İran və ABŞ münasibətlərinin gələcəyi, regional vəziyyət və Rusiyanın bu prosesdəki rolu ilə bağlı geniş müzakirələrə səbəb olub.

Fəlahətpişe bildirib ki, Lavrov Birgə Hərtərəfli Fəaliyyət Planının qatili və İranın sərt qışının memarıdır. O, Tehrana bu mesajla gəlib ki, Rusiya və ABŞ Ər-Riyadda İran üçün ümumi qırmızı xətlər müəyyən edib”.

Keçmiş deputatın sözlərinə görə, Lavrov İranı Rusiya və ABŞ-ın iştirak etdiyi üçtərəfli diplomatiyaya yönləndirməyə çalışır. Lakin o hesab edir ki, Tehran vasitəçilərdən, xüsusilə də Rusiyadan imtina etməli və ABŞ -lə birbaşa danışıqlar aparmalıdır.

Fidan Xəlilova

🖨 Çap et

16:55 27.02.2025

Oxunuş sayı: 980