Azərbaycan, Türkiyə və Özbəkistan birgə Fəaliyyət planı üçün bir araya gələcək
Azərbaycan, Türkiyə və Özbəkistan sabah qarşıdakı dövr üçün birgə Fəaliyyət Planının yol xəritəsini müəyyən edəcəklər.
Crossmedia.az xəbər verir ki, bu barədə Anadolu Agentliyi xəbər verib. Yanvarın 29-da üç ölkənin xarici işlər nazirləri arasında görüş keçiriləcək. Görüşün sonunda isə razılaşdırılmış plan üçün sənəd imzalanacaq.
Agentliyin məlumatına görə, tərəflər Ankara Bəyannaməsini imzalayacaq və qarşıdakı dövr üçün birgə Fəaliyyət Planını qəbul edəcəklər. Həmçinin bu Fəaliyyət Planının həyata keçirilməsi üzrə yol xəritəsi razılaşdırılacaq.
Görüşdə xarici siyasət və regional əməkdaşlıq məsələləri, ticarət, iqtisadiyyat və investisiya sahəsində əməkdaşlığın genişləndirilməsi, regional nəqliyyat şəbəkələrinin inkişafı, eləcə də nəqliyyat və kommunikasiya sektorlarında əməkdaşlığın gücləndirilməsi mövzuları da müzakirə olunacaq.
Qeyd edək ki, müzakirələrdə Azərbaycanı xarici işlər naziri Ceyhun Bayramov, Özbəkistanı Baxtiyor Saidov, Türkiyəni isə Hakan Fidan təmsil edəcək.
Tərlan Əmrahova
17:17 28.01.2025
Oxunuş sayı: 2745
