Xarici xəbərlər

Moskva Trampın ikinci prezidentlik dövrünə illüziyasız hazırdır - KİV

Rusiyanın ABŞ-nin prezidenti Donald Trampın münasibətləri bərpa edəcəyi ilə bağlı heç bir illüziyası yoxdur. ABŞ prezidenti Donald Tramp Putinin şərtləri ilə Ukraynadakı münaqişəyə son qoya bilməsə də, bəziləri hesab edir ki, Vaşinqtonun beynəlxalq normalara məhəl qoymamaq istəyi Moskvanın xeyrinə ola bilər.
Crossmedia.az xarici KİV-ə istinadən xəbər verir ki, 8 il əvvəl prezident Tramp ilk səlahiyyət müddətinə başlayanda Rusiya dövlət mediası yeni Amerika liderini “alfa kişi” adlandırıb və Moskvada inauqurasiya mərasimlərində onun şərəfinə qədəh qaldırılıb.

Moskvadakı eyforiyanı başa düşmək asan idi. Belə ki, 2016-cı il seçki kampaniyası zamanı Tramp Rusiyaya qarşı iqtisadi sanksiyaları ləğv etməyi və hətta Kremlin Krımı Ukraynadan ilhaqını tanımaq məsələsini “nəzərə alacağını” vəd etmişdi.
Ancaq Moskvanın Donald Trampın Vaşinqtonda Kremlin adamına çevriləcəyinə olan ümidləri Rusiyaya qarşı yeni sanksiyaları təsdiqlədikdən və Ukraynaya silah göndərən ilk ABŞ prezidenti olduqdan sonra tez puç olub.
Məlumata görə, Donald Tramp Ukraynaya ilk kəşfiyyat dəstəyini verib və Qara dənizdə ABŞ kəşfiyyat təyyarələrinin uçuşlarının əsasını qoyub.
Tramp ilk dəfə Ukraynaya Javelinləri tədarük edib. O, Polşada Ukrayna və NATO Şurasının əsasını qoyub. Bütün bunlar Rusiya üçün gözlənilməz olub və Tramp Rusiya istiqamətində Kissingerin strategiyasını həyata keçirə bilməyib.
Qeyd edək ki, Moskva bu dəfə ikinci Tramp dövrünə daha çox hazırdır və onunla bağlı heç bir illuziyası yoxdur.
Fatimə Məmmədova