BMT İsrail və Livanı atəşkəs öhdəliklərini yerinə yetirməyə çağırır
BMT cümə günü İsrail və Livanı keçən ilin noyabr ayında əldə olunan atəşkəs sazişi çərçivəsində öhdəliklərini yerinə yetirməyə çağırıb.
BMT-nin müavini Farhan Haq jurnalistlərə açıqlamasında hər iki ölkəyə müraciət edərək, “tərəflərin gərginliyi artıracaq və hər iki tərəfin sakinlərinin öz şəhər və kəndlərinə geri qayıtmasını daha da gecikdirəcək addımlardan çəkinmələrini” vurğulayıb.
Onun açıqlamaları, İsrailin cənubi Livandan qüvvələrinin çıxarılmasının keçən ilin noyabrında əldə olunan atəşkəs sazişində qeyd olunan 60 günlük müddətdən daha uzun çəkə biləcəyini bildirməsindən sonra gəlib. “Biz, hər iki tərəf üçün uzunmüddətli sülh, təhlükəsizlik və sabitlik yolunda 1701 saylı Qətnamənin tam icrasını davamlı olaraq dəstəkləyirik”, - Haq əlavə edib.
Crossmedia.az “Aljazeera”-yə istinadən xəbər verir ki, cümə günü İsrail ordusu Livanın cənubundakı Aytarun və Qantara qəsəbələrinə daxil olaraq bir neçə mülkü və yerli məscidi dağıdıb. Bu barədə Livanın Milli Xəbər Agentliyi məlumat yayıb.
Noyabrın 27-də imzalanan atəşkəs sazişinin ən azı 11 pozuntusu qeydə alınıb ki, bu da sazişin icrasından bəri ümumi pozuntu sayını 633-ə çatdırıb. Atəşkəs sazişinə əsasən, İsrail ordusu cənubi Livandan 60 günlük müddət ərzində çıxmalı idi. Bu müddət bazar günü başa çatır.
Nicat Rüstəmzadə
10:15 25.01.2025
Oxunuş sayı: 2066
