Sosium

Millətimizin qanla yazdığı şanlı tarixi

Azərbaycan xalqı tarixdə bir sıra çətinliklərlə üzləşib.Amma mərd xalqımız bu çətinliklərdən hər zaman üzü ağ, hətta öz qanlarıyla bu çətinlikləri yuyaraq çətin durumdan çıxıb öz qorxmaz şücaətini göstərmişdir. Bəli,belə bir şücaətin biridə ötən əsrin 90-cı illərində baş vermişdir.İllərdir özünü qardaş kimi tanıdan sovet rejimi 1990-cı ildə əsl öz iç üzünü göstərməyə başlamışdır. Ümumiyyətlə sovet rejimi Azərbaycanın SSRİ tərkibində olarkən xalqımıza bir çox zülmlər etmişdir. Azərbaycanı sovet dönəmində çətinliklərdən, sovetin çirkin əməllərindən qoruyan isə hər zamankı kimi Ümummilliliderimiz Heydər Əliyev idi. 1990-cı il yanvarın 19-dan 20-nə keçən gecə Azərbaycan xalqına qarşı ən qəddar cinayətlərdən biri baş verdi. Mixail Qorbaçovun başçılığı ilə Sovet rejimi Bakıda əsl qətliam törədib – yerli və mərkəzi hökumətdən “Qarabağ münaqişəsi”nin ədalətli həllini tələb edən dinc əhalidən qisas aldı.
Müdafiə naziri marşal Yazovun rəhbərlik etdiyi 20 min nəfərlik ordu hissələri ölkədə Kommunist Partiyasının hakimiyyətini qorumaq məqsədilə Bakı şəhərinə soxuldu.“Zərbə” kod adı verilən hərbi müdaxilə nəticəsində 147 nəfər öldürülüb, 744 nəfər yaralanıb, 841 nəfər qanunsuz olaraq həbs edilib, yüzlərlə insan isə itkin düşdü. 20 yanvar faciəsi xalqımızın yaddaşında hüzn və kədər, qürur və qəhrəmanlıq səhifəsi kimi qalıb. 1990-cı il yanvarın 19-dan 20-nə keçən gecə şəhidlərin qanı ilə Azərbaycanın yeni tarixi yazılıb.
Həmin hadisə xalqımızın qəhrəmanlıq dastanına ən parlaq səhifələrdən biri kimi daxil olub.Dövlət müstəqilliyimizin bərpası, azadlığımız üçün ilk növbədə 20 Yanvar şəhidlərinə borcluyuq. Yanvar faciəsinin ertəsi günü o vaxt Moskvada yaşayan Yeni Azərbaycanın qurucusu Heydər Əliyev Azərbaycanın Rusiyadakı daimi nümayəndəliyinə gəlib, burada xalqımızın kədərini bölüşüb və kommunist rejiminin respublikamızda həyata keçirdiyi qanlı aksiyanı qətiyyətlə pisləyən bəyanatla çıxış etmişdir. Böyük liderin bu addımı xalqımıza güc verib, ona dayaq və dəstək olmuşdur.Nəhayətində Azərbaycan öz azadlığına qovuşmuşdur.
İndiki dövrdədə ölkəmizin sürətli və dayanmadan inkişafı regionda söz sahibi olması güclü liderin davamçısı Ali Baş Komandan İlham Əliyevin uzaqgörən siyasətidir. Biz də vətəndaş borcumuz olaraq hər zaman dövlətimizin və cənab prezidentimizin ətrafında toplaşaraq Azərbaycanımızı daha da gücləndirməliyik.