ASCO-nun indiyədək istismara verdiyi gəmilərin sayı açıqlanıb
2013-cü ildən indiyədək "Azərbaycan Xəzər Dəniz Gəmiçiliyi” QSC-yə (ASCO) 35 müasir gəmi istismara verib.
Crossmedia.az bu barədə ASCO-ya istinadən xəbər verir.
Məlumata əsasən, bunlardan 5-i tanker, 1-i “Aframax” tipli tanker, 8-i universal quru yük gəmisi, 2-si “Handysize” tipli quru yük gəmisi, 2-si “RoPax” tipli gəmi-bərə, 1-i təchizat-yedək, 7-si təchizat, 1-i liman-yedək, 3-ü sərnişin, 5-i kiçik su tutumlu yedək gəmisidir.
Qeyd edək ki, 2018-2023-cü illərdə ASCO-da iki Ro-Pax və 4 tanker olmaqla ümumilikdə 6 yeni tikili gəmi istismara qəbul edilib. 2022-2024-cü illərdə bir Ro-Pax, üç 8000-dedveyt kimyəvi tanker, üç sürətli sərnişin gəmisi, dörd dalğıc gəmisi və iki 9800-dedveyt quru yük gəmisi daxil olmaqla 13 yeni tikili üçün sifariş verilib. Bütün bu layihələr enerji səmərəliliyi, ətraf mühitə minimal təsir nəzərə alınmaqla dizayn edilib, 2-3 il ərzində təhvil verilməsi gözlənilir.
11:46 17.01.2025
Oxunuş sayı: 5691
