“Fransadakı idarəçilik böhranı daha da dərinləşəcək” – Deputat

Fransanın sol müxalifəti, 2024-cü ilin dekabrında baş nazir təyin olunan Fransua Bayru hökumətinə qarşı siyasi mübarizəni genişləndirir. Parlamentdə etimadsızlıq qətnaməsinin qəbuluna nail olmaq niyyətində olan müxalifət nümayəndələri hökuməti ölkənin iqtisadi və sosial problemlərinə effektiv həll yolları tapa bilməməkdə və əvvəlki hökumətlərin siyasətlərini davam etdirməkdə günahlandırır.

Müxalif liderlər qətnamənin parlamentdən keçməsi üçün geniş dəstək toplamağa çalışır. Onların əsas arqumenti Fransua Bayrunun ölkədə davam edən iqtisadi qeyri-sabitlik və sosial gərginliyi aradan qaldırmaq üçün yetərincə islahatlar həyata keçirməməsidir. Baş nazir postuna keçməzdən əvvəl Fransua Bayru Mərkəzçi Demokrat Hərəkatının lideri kimi ölkədə nüfuz sahibi idi. Lakin müxalifət onun siyasi kursunu əvvəlki hökumətlərin davamı hesab edir və bunu xalqın maraqlarına zidd sayır.

Etimadsızlıq qətnaməsinin müzakirəsi 2025-ci ilin yanvar ayının 16-da baş tutacaq. Bu, hökumətin gələcək fəaliyyət planlarına böyük təsir göstərəcək kritik məqam hesab edilir.

F.Bayrunun siyasi taleyi ilə bağlı Crossmedia.az-a danışan Milli Məclisin deputatı Müşfiq Cəfərov söyləyib Fransa idarəçilik tarixində 2024-cü ilin siyasi zəlzələlər ili kimi yadda qalacağını bildirib. Deputatın sözlərinə görə, Fransa hazırda görünməmiş vəziyyətlə üz-üzədir və dövlət maliyyə sistemi üzərində nəzarət itirilib: 

"Dövlət borcu ilə bağlı səsləndirilən proqnozlar ilin sonuna ÜDM-in 113 faizinə çatacağı ehtimalını göstərirdi və bu, demək olar ki, özünü doğrultdu. Ölkə iqtisadiyyatı son illərdə durğunluq içərisindədir. İşsizlik səviyyəsi artır, xarici investorlar isə Fransanı tərk etməyə başlayıblar. Dövlət təsisatları xaosa qərq olub və hökumət öz əsas missiyalarını yerinə yetirməkdə acizlik nümayiş etdirir”. 

Deputat həmçinin bildirib ki, Fransada vergilərlə bağlı vəziyyət daha da pisləşir, dövlət xərcləri isə artmaqda davam edir: Xarici sərmayənin azalması və maliyyə böhranının başlaması nəticəsində Fransa, indi İspaniya, Portuqaliya və Yunanıstandan daha yüksək faizlə borc almaq məcburiyyətində qalıb. Hazırkı hökumət Fransanı iqtisadi durğunluğa və artan borclar bataqlığına sürüklədi.

Hazırkı hökumətin fəaliyyəti ölkədə uzun müddətdir davam edən qeyri-sabitlik dövrünü daha da dərinləşdirib. Xüsusilə, 2024-cü ilin dekabrında baş nazir təyin olunan Fransua Bayru hökuməti sol müxalifətin ciddi tənqidləri ilə qarşılaşır.

Müxalifət hökumətə etimadsızlıq qətnaməsi qəbul etdirməyi hədəfləyir. Onlar hökuməti ölkənin iqtisadi və sosial problemlərinə effektiv həll yolları tapa bilməməkdə və əvvəlki hökumətlərin siyasətlərini davam etdirməkdə ittiham edirlər. Sol müxalifətçilər Emmanuel Makron hakimiyyətinin təyin etdiyi yeni hökumətin də borc və vergi problemlərini həll edə bilməyəcəyini iddia edirlər. Haqlı olaraq Fransa cəmiyyəti Makron hökümətinə inanıb güvənmir. Makron öz hakimiyyətini qorumaq üçün idarəçillik strukturunda bəzi dəyişikliklər etsə də, dövlət problemlərin həlli üçün əməlli addımlar atmadığı açıq aşkar göz önündədir”.

M. Cəfərov qeyd edib ki, Makron hakimiyyəti ölkənin idarəçilik strukturunda bəzi dəyişikliklər etsə də, dövlət problemlərinin həlli üçün effektiv addımlar atmır: “Bu səbəbdən Fransadakı idarəçilik böhranı daha da dərinləşəcək”.

Nihat Tahirov