Ana dilində məktəb açılmalıdır
Ərdəbil Azərbaycanın ürəyidir. Qızılbaşların övladları həmişə Azərbaycanın qürur mənbəyi olub. Doğrudur ki, son yüz ildə fars istibdadı və istismarı altında yaşamağa məcbur olan güney Azərbaycan və o cümlədən ərdəbillilər zülm çəkib. Ərdəbil böyük oğullar və qızlar dünyaya gətirib. 21 Azərdə qəhrəman Səriyyə azadlığı üçün şəhid oldu, Amoli kimi nökər olmadı. Bir Ərdəbilli kimi ondan soruşan olmadı ki, ay molla, sancacağın bayrağın üstündə şüarını fars dilində yazacaqsan? Axı onu azadlıqsevər azərbaycanlılar oxuya bilməyəcəklər? Bəlkə yenidən bizə fars dili öyrətməyə başlayacaqsan?
Sənin prezidentin bir ildir ki, azərbaycan əyalətlərinə milli dildə məktəb açmaq istəyir, ona fürsət vermirlər. Bəlkə sən bayrağını Tehranda asıb millətin haqqını istəyəsən. Ona gücün çatmaz, sən Tehranın nə qədər ki, nökərisən, yekə-yekə danışmağa fürsət verəcəklər. Başına aşıq papağı qoyub İran məclisinə gedənləri görmüşük, onlar səndən də betərdilər.
Ərdəbillilər Seyid Həsən Ameli Kalxoranın kim olduğunu yaxşı bilirlər. Unutma ki, sən Şeyx Məhəmməd Xiyabani, ayətullah Təbətəbai, Şəriətmədari ola bilməcəksən. İndi İranda min nəfərdən artıq ayətullah var. Özünü yaxşı aparmasan, göndərəcəklər səni Zahidana.
Gəl sən Haqq yoluna qayıt, prezidentinə dəstək ol Azərbaycana ana dilində məktəb açsın, büdcə oğrularını ifşa etsin, insanların rifahı yüksəlsin. O zaman sənin istədiyin bayrağ özü öz yerinə sancılacaq.
Azərbaycan Demokrat Firqəsinin
Ərdəbil Təşkilatı
05:18 05.01.2025
Oxunuş sayı: 3141
