Sosium

Gəncə xanı Cavadxanın şəhadətinin 221-ci ildönümüdür

Bu gün Gəncənin rus ordusu tərəfindən işğalından və Gəncənin son xanı Cavad xanın şəhəri müdafiə edərkən şəhadətindən 221 il ötür.

Gəncənin işğalı Rusiya imperiyası üçün çox əlamətdar və onların yaddaşlarında dərin bir iz qoyan hadisə olmuşdur. Çünki Gəncə bütün Azərbaycanın işğalı üçün açar rolunu oynayırdı həmçinin, şəhərin işğalı zamanı ruslar güclü müqavimət gördülər. Hansı ki, onlar bu tarixin 100 illiyini təntənəli sürətdə qeyd etdib şəhər əhalisinin qürurunu sındırmağa çalışdılar. Hətta "Kavkaz" qazetinin ilk 3 nömrəsi növbə ilə bu hadisədən danışırdı. Burada Gəncənin işğal tarixindən və yubileyin şəhərdə təntənə ilə necə qeyd edildiyi xüsusilə qeyd olunurdu.

"Kavkaz" qazetinin 1904-cü il 2-ci nömrəsinin qısa başlığında belə yazılmışdı:

"Bu gün 1804-cü il yanvarın 3-də bir vaxtlar Azərbaycanın alınmaz qalası, Gürcüstan üçün təhlükə yaradan qüdrətli qala olan Gəncənin rus ordusunun zərbəsi altına düşməsindən yüz il ötür".