Nazir: 2026-cı ilin ilk 8 ayında Azərbaycan-Türkiyə ticarət dövriyyəsi 3,2 milyard dollardan çox olub
2026-ci ilin ilk 8 ayında iki ölkə arasındakı ticarət dövriyyəsi 3,2 milyard dollardan çox olub.
Crossmedia.az xəbər verir ki, bunu Azərbaycan xarici işlər naziri Ceyhun Bayramov Bakıda türkiyəli həmkarı Hakan Fidanla birgə mətbuat üçün brifinqdə deyib.
O, iki ölkə arasında mövcud münasibətləri tənzimləyən xüsusi formatların mövcud olduğunu vurğulayıb:
"Strateji Əməkdaşlıq Şrası, siyasi məsləhətləşmələr, iqtisadi əməkdaşlıq komissiyası və digər müstəvilərdə bu əməkdaşlıq mövcuddur".
Nazir işğaldan azad edilmiş ərazilərdə Türkiyə şirkətlərinin fəaliyyətini də yüksək qiymətləndirib.
C.Bayramov əlavə edib ki, hazırkı mərhələdə iki ölkə araslında çox böyük perspektivə malik və növbəti onilliklərə yönəlik layihələr var:
"Bu konteskdə işlər aparılır. Həmin layihələr içərisində Azərbaycanda istehsal edilən alternativ enerjinin Qara dəniz üzərindən daşınması, burada Türkiyənin iştirakını, eləcə də Naxçıvanı Türkiyə ilə birləşdirən yeni enerji kabelini qeyd etməliyəm. Bu layihə nəinki Azərbaycan və Türkiyə üçün, Avropa bazarı üçün çox böyük potensiala malikdir".
Onun sözlərinə görə, Azərbaycan və Türkiyə arasında nəqliyyat sahəsində də mühüm layihələr həyata keçirilir.
Nazir onu da bildirib ki, iki ölkənin hökumətlərarası komissiyasının iclaslarına böyük önəm verilir: "Burada humanitar, gənclər, idman və digər sahələr üzrə əməkdaşlığa dair müzakirələr aparılır".
14:34 15.09.2026
Oxunuş sayı: 53
