ABŞ-də silah ehtiyatları ilə bağlı ciddi risk
ABŞ-nin Yəməndə İranla əlaqəli husilərə qarşı mümkün yeni hərbi əməliyyata qoşulması ölkənin onsuz da azalan silah ehtiyatlarına əlavə təzyiq yarada bilər.
Crossmedia.az xəbər verir ki, "Reuters" bu barədə məlumat yayıb.
"Reuters" daha əvvəl ABŞ ordusunun İranla müharibə zamanı uzaqmənzilli dəqiq zərbə raketlərinin ehtiyatlarının böyük hissəsini, o cümlədən ATACMS və PrSM raketlərini istifadə etdiyini yazıb. Mənbələrin bildirdiyinə görə, bu raketlərin mövcud ehtiyatları demək olar ki, tam tükənib.
Hazırda Yəməndə husilərin Bab əl-Məndəb boğazına doğru irəliləməsi Vaşinqton üçün əlavə strateji problem yaradıb. "Reuters"-in son məlumatına görə, husilər Moxa liman şəhərinə nəzarəti ələ keçirib və Qırmızı dənizin mühüm gəmiçilik marşrutuna yaxın ərazilərdə mövqelərini gücləndiriblər.
Bu vəziyyət ABŞ-ni həm Yaxın Şərqdəki hərbi resursların bölüşdürülməsi, həm də silah ehtiyatlarının bərpası ilə bağlı daha çətin seçim qarşısında qoya bilər.
12:12 13.09.2026
Oxunuş sayı: 60
