Qəzzanın böyük hissəsi dağıdılıb
İsrailin müdafiə naziri İsrael Kats Qəzzanın 70 faizinin məhv edildiyini, həmçinin Livanın cənubunda onlarla kəndin dağıdıldığını bildirib.
Crossmedia.az xəbər verir ki, İsrael Kats bu barədə açıqlama verib.
Kats İsrail ordusunun Qəzzada genişmiqyaslı dağıntılara səbəb olduğunu deyib. Onun sözlərinə görə, Livanın cənubunda da Hizbullahın dayaq məntəqəsi kimi istifadə etdiyini bildirdiyi ərazilərdə onlarla kənd dağıdılıb və 200 min sakin təxliyə olunub.
İsrail müdafiə naziri Qərb Sahilində də əməliyyatların davam etdiyini bildirib. Onun sözlərinə görə, İsrail Müdafiə Ordusu burada qaçqın düşərgələrini ələ keçirib və bölgədə qalmaqda davam edir.
Kats Qərb Sahilində 40 min sakinin təxliyə edildiyini və onların geri qayıtmadığını da qeyd edib. O, İsrail ordusunun bölgədə infrastrukturu məhv etdiyini və silahlı şəxslərə qarşı əməliyyatlar apardığını bildirib.
İsrail rəsmisinin açıqladığı bu rəqəmlərin və iddiaların müstəqil şəkildə təsdiqlənməsi barədə məlumat verilməyib.
16:37 02.09.2026
Oxunuş sayı: 51
