Yeni körpüdə gözlənilməz hadisə: 50-dən çox insan təhlükədə
İndoneziyada tikintisinə təxminən 724 min dollar xərclənən asma körpü açılış mərasimi zamanı əyilib.
Crossmedia.az xəbər verir ki, hadisə Qərbi Yava əyalətinin Panqandaran dairəsinin Marqaçinta kəndindəki “Ponqpet” asma körpüsünün açılışı zamanı baş verib.
Hadisə zamanı körpünün üzərində 50-dən çox insan olub.
Məlumata görə, təxminən 60 metr uzunluğunda olan körpüyə mərasim zamanı eyni vaxtda 50-dən çox insan çıxıb. Bu zaman dayaqlardan birinin trosu bərkidildiyi yerdən çıxıb və körpü bir tərəfə əyilib.
Hadisə nəticəsində ölən olmayıb. Bir neçə nəfərin yüngül xəsarət aldığı bildirilir. Körpü təhlükəsizlik məqsədilə istifadəyə bağlanıb və texniki araşdırmaya başlanılıb.
Qeyd edək ki, körpünün girişində eyni vaxtda maksimum üç nəfərin keçməsinə dair xəbərdarlıq olduğu bildirilib. Açılış mərasimində isə bu limit əhəmiyyətli dərəcədə aşılıb.
14:28 02.09.2026
Oxunuş sayı: 47
