Göydən gələn təhlükə belə dayandırıldı: 10 PUA məhv edildi
ABŞ-ın rəhbərlik etdiyi beynəlxalq koalisiyanın hava hücumundan müdafiə qüvvələri İraqın şimalındakı Ərbil vilayətinin hava məkanında partlayıcılarla yükləndiyi bildirilən 10 İran pilotsuz uçuş aparatını vurub.
Crossmedia.az xəbər verir ki, Kürdüstan Regional Hökumətinin Terrorla Mübarizə İdarəsi bu barədə “X” platformasında məlumat yayıb.
Qurumun məlumatına görə, hava hədəflərinin qarşısının alınması və məhv edilməsi səhər saatlarında həyata keçirilib. Hadisə nəticəsində xəsarət alan olmayıb.
Bundan əvvəl SEPAH Ərbildə ABŞ hərbi bazalarına raket və PUA-larla birgə hücum həyata keçirdiyini açıqlamışdı. İran tərəfi hücum nəticəsində texniki avadanlıqların saxlandığı anbarların və təmir mərkəzinin məhv edildiyini, ABŞ-a məxsus müşahidə aerostatının idarəetmə sisteminin sıradan çıxarıldığını iddia edib.
14:19 02.09.2026
Oxunuş sayı: 59
