Xarici xəbərlər

Rusiyanın ən yaşlı sakini xəstəxanaya yerləşdirildi

Çeçenistanın 120 yaşlı sakini Yaxa Haşaqova evində yıxıldıqdan sonra qolunun sınması səbəbindən xəstəxanaya yerləşdirilib.

Crossmedia.az xəbər verir ki, bu barədə “Shot” Telegram kanalı məlumat yayıb. Hadisə ilə bağlı məlumat digər media qurumları tərəfindən də təsdiqlənib.

Məlumata görə, yaxın günlərdə 121 yaşı tamam olacaq Yaxa Haşaqova bir neçə gün əvvəl evində təsadüfən yıxılıb və qolundan sınıq xəsarəti alıb.

Hazırda Qroznıda yaşayan uzunömürlü qadın xəstəxanada həkim nəzarətindədir. Onu çoxsaylı yaxınları mütəmadi ziyarət edir.

Yaxa Haşaqovanın altı övladı, 20 nəvəsi və 48 nəticəsi var. Onun 10 sentyabr 1905-ci ildə doğulduğu və yaşının rəsmi sənədlərlə təsdiqləndiyi bildirilir.

Mövzular:

Yaxa Haşaqova Çeçenistan Qroznı xəstəxana qol sınığı uzunömürlü 120 yaş Rusiya

🖨 Çap et

15:11 22.08.2026

Oxunuş sayı: 55