Ukraynanın Türkiyədəki səfiri: Krım Qarabağ kimi azad olacaq
Ukraynanın Türkiyədəki səfiri Nəriman Cəlal Kiyevin ərazi bütövlüyünü bərpa etmək əzmini qoruduğunu bildirib.
Crossmedia.az xarici mediaya istinadən xəbər verir.
O, Krımın da Qarabağ kimi azad olacağını deyib.
Diplomatın sözlərinə görə, Ukrayna şəhərlərinə hər gün zərbələr endirilməsinə baxmayaraq, Kiyev öz ərazilərini geri qaytarmaq niyyətindən vaz keçməyib.
Cəlal Krımda 300-dən çox siyasi məhbusun olduğunu, onların 169-nun Krım tatarları olduğunu iddia edib. Onun sözlərinə görə, Rusiya hakimiyyəti ruslaşdırma və yerli əhalinin sıxışdırılması siyasətini davam etdirir.
Ukraynadakı vəziyyətdən danışan səfir enerji infrastrukturuna zərbələrin davam etdiyini qeyd edib.
Nəriman Cəlal, həmçinin Türkiyəyə Rusiya hərbi gəmilərinin Qara dəniz boğazlarından keçidinin məhdudlaşdırılması, Ukraynanın müdafiə sənayesinə dəstək göstərilməsi və onun Rusiya əsirliyindən azad edilməsinə yardımına görə təşəkkür edib.
20:16 17.08.2026
Oxunuş sayı: 52
