Cəbhədə yeni sınaq: texnologiyalar real döyüşdə sınaqdan keçiriləcək
Ukraynada beynəlxalq tərəfdaşlarla birlikdə müdafiə texnologiyalarının inkişafı üçün vahid qaydalar qüvvəyə minib.
Crossmedia.az xəbər verir ki, bu barədə Ukraynanın Baş naziri Yuliya Sviridenko məlumat verib.
Nazirlər Kabineti “Brave International” təşəbbüsü çərçivəsində əməkdaşlığın aydın mexanizmini təsdiqləyib.
Qərar həm artıq elan edilmiş, həm də gələcək beynəlxalq layihələri əhatə edir. Bunlara UNITE Brave NATO, Brave Norway, Brave France, Brave Germany və Brave Lithuania proqramları daxildir.
Yeni sistem sayəsində Ukrayna və tərəfdaş ölkələr birgə qrant müsabiqələrini daha sürətli şəkildə həyata keçirə biləcək. İlk dəstək proqramlarının ümumi büdcəsi 100 milyon avronu ötüb.
Sviridenkonun sözlərinə görə, bu mexanizm həm Ukrayna, həm də xarici şirkətlərin və startapların layihələrdə iştirakına imkan yaradacaq.
Maliyyələşmə Ukrayna və tərəfdaş ölkələrin bərabər iştirak etdiyi birgə qrant fondları vasitəsilə həyata keçiriləcək. Bütün texnologiyalar isə Ukraynada “Test in Ukraine” platformasında sınaqdan keçiriləcək.
Gözlənilir ki, “Brave1” klasteri yaxın vaxtlarda ilk beynəlxalq qrant müsabiqələrini elan edəcək.
21:53 27.06.2026
Oxunuş sayı: 61
