Xarici xəbərlər
Bu şəxslər edam olunacaq
ABŞ-də Donald Tramp administrasiyası 25 yanvar tarixində onlarla İran vətəndaşının İslam Respublikasına deportasiyasını planlaşdırır.
Crossmedia.az xəbər verir ki, bu barədə CNN telekanalı məlumat yayıb.
Məlumata əsasən, deportasiya siyahısında İranda cinsi oriyentasiyalarına görə edam cəzası ilə üzləşən iki kişi də yer alır. Həmin şəxslər ABŞ-yə məhz İranda təqib olunduqları və həyatlarına real təhlükə yarandığı üçün sığınıblar. CNN bildirir ki, deportasiya həyata keçirilərsə, onları birbaşa edam riski gözləyir.
Adının açıqlanmasını istəməyən şəxslərdən biri CNN-ə deyib:
“Əgər insanlara doğrudan da qayğı göstərirsinizsə, xahiş edirəm qalmağımıza icazə verin”.
Onların vəkili isə Vaşinqtonun mövqeyini sərt tənqid edib. Vəkilin sözlərinə görə, ABŞ hökumətinin siyasəti açıq ziddiyyət təşkil edir:
“Bir tərəfdən Amerika İran rejiminə qarşı etirazçıları dəstəklədiyini bildirir, digər tərəfdən isə eyni rejim tərəfindən təqib olunan insanları geri göndərir”.
Məsələ ilə bağlı ABŞ hökuməti tərəfindən rəsmi şərh verilməyib.
13:08 24.01.2026
Oxunuş sayı: 517
