İran prezidenti: Səhvlərimizi etiraf etməsək, uğur qazana bilmərik
İran prezidenti Məsud Pezeşkian hakimiyyət orqanlarının ölkəni idarə etməkdə səhvlər etdiklərini qəbul etməli olduqlarını bildirib və ictimai şikayətləri görməzdən gəlməyin yalnız cəmiyyəti qəzəb, zorakılıq və yadlaşmaya sürükləyəcəyini xəbərdarlıq edib.
Crossmedia.az xarici mediaya istinadən xəbər verir.
Pezeşkian çıxışında vurğulayıb: “Biz qəbul etməliyik ki, işləri idarə etməkdə səhvlərə yol vermişik. Əgər öz səhvlərimizin fərqinə varmasaq və onları düzəltməyə çalışmasaq, yalnız başqalarını günahlandırsaq, heç bir nəticəyə nail ola bilməyəcəyik. Dövlət orqanları yoxsul təbəqənin tələblərinə və problemlərinə laqeyd qalsa, ictimai narazılıq artacaq.”
O, həmçinin qeyd edib ki, bütün qurumlar və idarəetmə orqanları həssas qrupların problemlərinə məhəl qoymadıqda, cəmiyyətin zorakılığa, laqeydliyə və ölkədən uzaqlaşmağa doğru yönəlməsini gözləmək düzgün olmaz:
“Bunu nəzərə almalı və idarəetmədə şəffaflığı artırmalıyıq,” – deyə Pezeşkian bildirib.
19:35 21.01.2026
Oxunuş sayı: 1079
