Fransa Qrenlandiyada NATO təlimlərinin keçirilməsini tələb edib
Fransa Qrenlandiya ərazisində NATO hərbi təlimlərinin keçirilməsini təklif edib.
Crossmedia.az xəbər verir ki, bu barədə Reuters Yelisey Sarayına istinadən məlumat yayıb.
Məlumata görə, Paris Arktika regionunda təhlükəsizlik çağırışlarının artması fonunda Alyansın mövcudluğunun gücləndirilməsini vacib hesab edir. Fransa tərəfi Qrenlandiyanın strateji əhəmiyyətini vurğulayaraq burada kollektiv müdafiə imkanlarının artırılmasının zəruriliyini önə çəkib.
Reutersin məlumatına əsasən, Fransa Silahlı Qüvvələri planlaşdırılan manevrlərdə iştirak etməyə hazır olduğunu bildirib. Təlimlərin NATO çərçivəsində keçirilməsi nəzərdə tutulur.
Rəsmi Parisin bu təşəbbüsü Arktika bölgəsində geosiyasi rəqabətin gücləndiyi bir dövrdə gündəmə gəlib. NATO üzvləri arasında məsələ ilə bağlı məsləhətləşmələrin davam etdiyi bildirilir.
14:11 21.01.2026
Oxunuş sayı: 1301
