CAR Prezidenti: Rusiyalı təlimatçıların ölkədə fəaliyyəti beynəlxalq hüquqa uyğundur
Mərkəzi Afrika Respublikasının (CAR) hazırkı prezidenti Faustin-Archange Touadera seçkilərdə qalib gəldikdən sonra TASS-a verdiyi ilk müsahibəsində ölkədə fəaliyyət göstərən rusiyalı təlimatçıların beynəlxalq hüquq normalarına uyğun çalışdığını bildirib.
Crossmedia.az-ın xarici mediaya istinadən verdiyi xəbərə görə, prezident qeyd edib ki, Rusiya ilə əməkdaşlıq CAR-da böhranın ən gərgin dövründə başlayıb və bu proses tamamilə rəsmi şəkildə həyata keçirilib. Onun sözlərinə görə, Rusiya kontingenti ölkəyə bütün prosedurlara ciddi riayət olunmaqla daxil olub.
Touadera vurğulayıb ki, bu əməkdaşlıq CAR-da təhlükəsizliyin və sabitliyin təmin olunmasına yönəlib və beynəlxalq hüququn tələblərinə tam cavab verir.
14:09 07.01.2026
Oxunuş sayı: 2108
