ABŞ İran və Venesuelaya qarşı sanksiyaları genişləndirib
ABŞ Maliyyə Nazirliyi İran və Venesuelaya qarşı sanksiyaların gücləndirildiyini açıqlayıb. Yeni qərarlar Maliyyə Nazirliyinin Xarici Aktivlərə Nəzarət İdarəsi (OFAC) tərəfindən qəbul olunub.
Crossmedia.az xarici KİV-ə istinadən xəbər verir ki, yenilənmiş sanksiya siyahıları çərçivəsində İran və Venesuelada fəaliyyət göstərən, müdafiə, aviasiya, elektronika və kimya sektorları ilə əlaqəli altı fiziki şəxs və dörd qurum məhdudiyyətlərə məruz qalıb. Bildirilir ki, onların hamısına qarşı ikinci dərəcəli sanksiyalar tətbiq olunub.
Eyni zamanda, OFAC kibertəhlükəsizlik fəaliyyəti və Rusiya ilə əlaqələrə görə əvvəllər sanksiya siyahısına salınmış altı şəxsin adını siyahıdan çıxarıb. ABŞ tərəfi bu addımların milli təhlükəsizlik və beynəlxalq sanksiya siyasəti çərçivəsində atıldığını vurğulayıb.
Türkan Kərimli
10:33 31.12.2025
Oxunuş sayı: 3393
