Polşa “Şərq qalxanı” adlı geniş regional təhlükəsizlik proqramı çərçivəsində Kalininqrad yaxınlığında yeni sərhəd möhkəmləndirmələrinin tikintisinə start verib.
Crossmedia.az bu barədə xarici KİV-ə istinadən xəbər verir.
Məlumata görə, layihə tank əleyhinə xəndəklərin qazılması, “əjdaha dişləri” tipli maneələrin qurulması və rabitə-keçid sistemlərinin yaradılmasını əhatə edir.
Hazırda peyk görüntüləri yalnız üç möhkəmləndirilmiş nöqtəni aşkar edib və onların hamısı Polşa ərazisində, Kalininqrada yaxın yerlərdə yerləşir.
Polşa Müdafiə Nazirliyi bildirir ki, layihənin ilk dörd ili (2024–2028) ərzində təxminən 2,55 milyard dollar investisiya planlaşdırılır. Proqram ölkənin Rusiya və Belarusla olan şərq sərhədinin 700 km-lik hissəsini əhatə edəcək. Stasionar istehkamlarla yanaşı, layihəyə müşahidə infrastrukturu, kəşfiyyat sistemləri və sərhəd postları da daxildir.
Nəzrin Abbas
