Fariz İsmayılzadə: ABŞ-nin Cənubi Qafqaza artan marağı ölkə üçün yeni imkanlar yaradacaq
Azərbaycanda ABŞ-nin Cənubi Qafqaza artan marağının və Bakı ilə Vaşinqton arasında münasibətlərdə müsbət dinamikanın ölkə üçün yeni imkanlar yaradacağına ümid edilir.
Crossmedia.az-ın məlumatına görə, bu barədə Milli Məclisin deputatı, ADA Universitetinin prorektoru Fariz İsmayılzadə Bakıda keçirilən Azərbaycan-ABŞ Beyin Mərkəzlərinin Birinci Forumunda bildirib.
Onun sözlərinə görə, Bakı və Vaşinqton arasında münasibətlər ikitərəfli əlaqələrin bütün tarixi ərzində müxtəlif mərhələlərdən keçib:
"ABŞ-nin faktiki olaraq regionda iştirak etmədiyi bir dövr var idi. İkitərəfli münasibətlərdə ciddi irəliləyiş görmədik. Əksinə, əlaqələrin azalmasını müşahidə etdik. Bu gün isə ABŞ-nin Cənubi Qafqaza diqqətinin nəzərəçarpacaq dərəcədə artdığı yeni mərhələyə qədəm qoymuşuq. Vaşinqton sənədlərinin imzalanması bu diqqətin vacib siqnalı oldu".
Deputat həmçinin bildirib ki, ABŞ-Azərbaycan münasibətlərində "yeni müsbət səhifə" fonunda Bakının əhəmiyyətli gözləntiləri formalaşır:
"Tərəflər arasında qarşılıqlı səfərlər aktivləşib. Hazırda həmkarlarım, parlament üzvləri Beynəlxalq münasibətlər komitəsinin sədri Səməd Seyidovun rəhbərliyi ilə Vaşinqtondadırlar və ABŞ konqresmenləri ilə görüşlər keçirirlər. Azərbaycana da ABŞ-dən çoxsaylı nümayəndə heyətləri gəlir. Biz iqtisadiyyatın müxtəlif sektorlarında dialoqun canlanmasını müşahidə edirik". (Report)
10:56 18.11.2025
Oxunuş sayı: 1751
