Rusiyaya məxsus dron Türkiyə qaz tankerinə çırpılıb
Rumıniyanın Plauru kəndinin sakinləri təxliyə edilib. Buna Rusiya dronunun Ukraynanın İzmail sahillərində Türkiyəyə məxsus qaz tankerinə dəyməsi səbəb olub. Zərbə Türkiyə bayrağı altında üzən və maye qaz boşaldan ORINDA tankerinə düşüb. Gəmidə olan 16 türk vətəndaşından ibarət heyət vaxtında təxliyə olunub, xəsarət alan yoxdur.
Crossmedia.az bu barədə “Stiri pe surse”yə istinadən xəbər verir.
Türkiyənin Nəqliyyat Nazirliyi hadisəni təsdiqləyib və bildirib ki, gəmidəki yanğın Ukrayna xilasediciləri tərəfindən söndürülür. Rumıniya hakimiyyəti isə partlayış və yanğınla bağlı potensial təhlükələrə görə Plauru kəndinin sakinlərini təhlükəsiz zonaya köçürməyə başlayıb.
Günel Verdiyeva
18:47 17.11.2025
Oxunuş sayı: 1304