İslamabadda məhkəmə binası yaxınlığında partlayış: 12 nəfər həlak olub
İslamabadın mərkəzində çərşənbə axşamı baş verən güclü partlayış nəticəsində azı 12 nəfər şəhid olub, 21 nəfər yaralanıb. Polis mənbələrinin verdiyi məlumata görə, intiharçı hücum kachehri (məhkəmə) binasının qarşısında park edilmiş avtomobildə törədilib.
Crossmedia.az "Geo.News"ə istinadən xəbər verir ki, hadisə zamanı yaralananlar arasında vətəndaşlarla yanaşı, bir neçə vəkil və ərizəçi də olub. Partlayışdan sonra məhkəmə binası təxliyə edilib, iclaslar dayandırılıb və insanlar arxa çıxışdan çıxarılıb.
Hadisə yerinə İslamabad polisinin baş rəis müavini (DIG), baş komissar və kriminalistlər cəlb olunub. Xilasedicilər və hüquq-mühafizə orqanlarının əməkdaşları yaralıları və həlak olanları Pims xəstəxanasına çatdırıblar. Paytaxt xəstəxanasında fövqəladə vəziyyət elan olunub.
Nəzrin Abbas
13:48 11.11.2025
Oxunuş sayı: 1359