Hindistan alternativ olaraq ABŞ və Yaxın Şərqdən xam neft alıb
Hindistanın iki dövlət neft emalı zavodu Hindustan Petroleum Corporation Ltd (HPCL) və Mangalore Refinery and Petrochemicals Ltd (MRPL) Rusiya neftinə alternativ olaraq ABŞ və Yaxın Şərqdən 5 milyon barrel xam neft alıblar.
Crossmedia.az Reuters-ə istinadən xəbər verir ki, HPCL 2 milyon barrel ABŞ-ın West Texas Intermediate (WTI) markalı neftini və 2 milyon barrel Əbu-Dabidən Murban markalı nefti yanvar ayında çatdırılmaq üçün alıb.
MRPL isə 1 milyon barrel İraqın Basra Medium markalı neftini 1–7 yanvar tarixləri arasında çatdırılmaqla əldə edib.
Məqalədə bildirilir ki, bu neft emalı zavodları Rusiya neftinə alternativ axtarır. Hər iki şirkət sanksiya risklərinə görə Rusiya neftinin alınmasını dayandırıb.
09:43 11.11.2025
Oxunuş sayı: 1477
