Noyabrın 5-də Şuşa artıq təhvil verilmişdi - Sarkisyan
“Bunların arasında neçə nəfər var ki, Qarabağı öz gözləri ilə görüb?”.
Crossmedia.az xəbər verir ki, bunu Ermənistanın 3-cü prezidenti Serj Sarkisyan hazırkı hakimiyyətin niyə Qarabağ müharibəsini tənqid etdiyinə toxunarkən deyib.
Onun sözlərinə görə, 1988-ci ildə başqa çıxış yolu yox idi.
“Əgər problemlər olmasaydı, Stalinin dövründə “Qarabağın Ermənistana birləşdirilməsi” məsələsini qaldırmazdılar”, - deyə Sarkisyan bildirib.
Sarkisyanın fikrincə, 1988-ci il erməni separatizminin sovet KQB-si tərəfindən təşkil olunduğunu iddia edənlər o dövrdə hələ doğulmamış insanlar idi.
Sarkisyan, həmçinin Qarabağ müharibəsinin birinci mərhələsi dövründə Şuşanın işğal olunmasından danışaraq, orada baş verən ağır döyüşləri xatırladıb.
“Məhdud sayda mərmimiz olmasına baxmayaraq, biz Şuşanı güclü atəşə tutduq, bundan sonra rəqib qoşunları sadəcə qaçdı, mülki əhali də qaçdı. Bəs Şuşanın “azad olunması” (işğal olunması-red.) hədiyyə idimi?”, - deyə Sarkisyan bildirib.
O qeyd edib ki, 2020-ci il müharibəsi zamanı noyabrın 5-də Şuşa artıq təhvil verilmişdi.
“Deyirdilər ki, Şuşa uğrunda döyüşlər davam edir, bəli, amma Şuşanı geri almaq üçün davam edirdi, çünki o, artıq noyabrın 5-dətəhvil verilmişdi”, - deyə Ermənistanın 3-cü prezidenti vurğulayıb.
09:53 08.11.2025
Oxunuş sayı: 1252
