Rusiya Ukrayna ərazisinə kütləvi hücum edib
Rusiya Silahlı Qüvvələri son sutka ərzində Ukraynanın enerji infrastrukturu və Ukrayna Silahlı Qüvvələrinin müvəqqəti yerləşmə məntəqələrinə zərbələr endirib.
Crossmedia.az xəbər verir ki, bu barədə Rusiya Müdafiə Nazirliyindən bildirilib.
Qeyd olunub ki, əməliyyat-taktiki aviasiya, zərbə tipli pilotsuz uçuş aparatları, raket qoşunları və artilleriya vasitəsilə Ukraynanın enerji obyektləri hədəf alınıb.
Bundan əlavə, Rusiya qoşunları Ukrayna Silahlı Qüvvələrinə məxsus silah və hərbi texnikanı döyüş bölgələrinə daşıyan hərəkətli dəmir yolu qatarına, uzaqmənzilli pilotsuz uçuş aparatlarının istehsal sexlərinə və onların buraxılış məntəqələrinə, eləcə də pilotsuz qayıqların saxlandığı anbara zərbələr endirib.
Müdafiə Nazirliyinin açıqlamasına əsasən, Rusiya ordusu həmçinin Ukrayna silahlı birləşmələrinin müvəqqəti dislokasiya məntəqələrini 147 bölgədə hədəfə alıb.
Gülbəniz Bayramova
15:11 26.10.2025
Oxunuş sayı: 1562
