Qazaxıstanda yeni xarici işlər naziri təyin olunub
Qazaxıstan prezidenti ölkənin xarici
işlər nazirini dəyişib. Crossmedia.az xəbər verir ki, bu barədə xarici KİV
yazıb.
Murat Nurtleu vəzifəsindən azad
olunaraq dövlət başçısının beynəlxalq investisiya və ticarət əməkdaşlığı üzrə
köməkçisi təyin edilib. Onun yerinə isə daha əvvəl baş nazirin müavini postunu
tutan Ermek Koşerbayev Xarici İşlər naziri olub.
Qeyd edək ki, siyasi şərhçi Qaziz
Abişevin sözlərinə görə, Nurtleu Prezident Administrasiyasına keçərək bundan əvvəl
Erjan Kazıxanın icra etdiyi vəzifəni icra edəcək. Kazıxan isə bundan sonra
Qazaxıstanı BMT və digər beynəlxalq təşkilatlarda təmsil edəcək.
Bildirək ki, Koşerbayev sələfindən fərqli
olaraq, nazir postunu Baş nazirin müavini statusu olmadan qəbul edib. Abişev
ehtimal edir ki, Nurtleunun Baş nazirin müavini vəzifəsində ikən malik olduğu
investisiya blokuna aid əlavə səlahiyyətlər də onunla birlikdə Prezident Administrasiyasına
keçib.
Xumar
Emilqızı
20:05 26.09.2025
Oxunuş sayı: 5549
