Putin: Rusiya əvvəllər İrana HƏM sistemi sahəsində əməkdaşlıq təklif edib, lakin Tehran maraq göstərməyib
Rusiya Prezidenti Vladimir Putin bildirib ki, Moskva əvvəllər İrana hava hücumundan müdafiə (HƏM) sistemləri sahəsində əməkdaşlıq təklif etsə də, Tehran bu təşəbbüsə maraq göstərməyib. Prezidentin sözlərinə görə, bu əməkdaşlıq təklifi İrana bir müddət əvvəl ünvanlanıb, lakin cavab olaraq maraq və ya irəliləyiş müşahidə olunmayıb.
Crossmedia.az xarici mediaya istinadən bildirir ki, Putin eyni zamanda Rusiya ilə İran arasında imzalanmış strateji tərəfdaşlıq sazişinə də toxunub. Onun sözlərinə görə, həmin sənəd İrana rus istehsalı olan hava hücumundan müdafiə sistemlərinin ötürülməsini nəzərdə tutmur. Dövlət başçısı vurğulayıb ki, bu saziş daha çox siyasi, iqtisadi və regional əməkdaşlıq məsələlərini əhatə edir.
Qeyd edək ki, İranla Rusiya arasında münasibətlər son illərdə daha da yaxınlaşıb, xüsusilə də beynəlxalq sanksiyalar və geosiyasi gərginliklər fonunda iki ölkə bir sıra sahələrdə əməkdaşlıq əlaqələrini genişləndirir. Bununla belə, bəzi strateji və hərbi məsələlərdə tərəflər arasında müəyyən ehtiyatlılıq qalmaqdadır.
Fatimə Nəbiyeva
15:58 19.06.2025
Oxunuş sayı: 726
