Xarici xəbərlər

İran İsrailə ballistik raketlər atdı – Tel-Əviv və Bеer-Şeva zərbələr altında

İsrailin Silahlı Qüvvələri İrandan ölkə ərazisinə ballistik raketlərin buraxıldığını qeydə alıb.

Crossmedia.az xarici mediaya istinadən bildirir ki, ordunun mətbuat xidmətinin məlumatına görə, hücum təhlükəsi ilə əlaqədar ölkə üzrə erkən xəbərdarlıq sistemi aktivləşdirilib. Hava həyəcan siqnalları Yerusəlim daxil olmaqla İsrailin cənub, şimal və mərkəzi bölgələrində eşidilib. Vətəndaşlara dərhal sığınacaqlara keçmək və əlavə təlimatlara qədər orada qalmaq tövsiyə olunub.

İlkin məlumatlara əsasən, raketlər Cənubi İsraildə partlayışlara səbəb olub. Tibbi xidmətlər mümkün zərbə nöqtələrinə göndərilsə də, hazırda xəsarət alanlarla bağlı rəsmi məlumat yoxdur.

İsrail mediasının yaydığı xəbərə görə, İrandan atılan ballistik raketlərdən biri Bеer-Şevadakı “Soroka” Tibb Mərkəzinə düşüb. Dağıntıların miqyası hələlik dəqiqləşdirilməyib. Raket zərbələrinin Təl-Əviv, Ramat-Qan və Holon şəhərlərini də vurduğu və ciddi dağıntılara səbəb olduğu bildirilir.

Qeyd edək ki, İranın rəsmi “Fars News” agentliyi də raket hücumunu təsdiqləyib. Məlumata görə, bir neçə saat əvvəl İsrail istiqamətində pilotsuz uçuş aparatları da göndərilib.

Zəhra Ağayeva

🖨 Çap et

12:04 19.06.2025

Oxunuş sayı: 688